小辰光迭能的搪瓷杯，阿拉屋里厢有好几只，还有搪瓷的“吃饭家生”，侪是阿拉阿爸姆妈厂里发的。
小辰光最开心的事体是吃喜酒，饭店的小菜就是好吃，还要灌新郎吃酒，闹猛勒伐得了。
老早还有交关好白相的物事搭事体，侬还记得伐？
江宁路街道社区文化活动中心《寻找未曾离开的离开》摄影实物展带侬回到老底子。
104块动拆迁旧址门牌号头组成的“门牌墙”，每一块侪有伊拉自己的故事。
一封25年前头写拨阿姐的信，现在读起来还是老亲切额。
玩具、玻璃杯、缝纫机，每一样侪像自己屋里有过额。
墙头的40张老照片，记录的是石库门的生活，
交关地方现在已经看勿到了，不过迭种上海的烟火气，阿拉是勿会忘记额。
寻个辰光，来此地看看搿眼老朋友吧！
《寻找未曾离开的离开》摄影实物展
展览日期
即日起至2月18日
展览时间
8:30-18:00（双休日照常开放）
展览地址
江宁路街道社区文化活动中心（淮安路771号）